ഹരി സങ്കീർത്തനം

ഒരിടത്ത് ഒരു കിളിയുണ്ടായിരുന്നു. ആ കിളിക്കും കൂട്ടുകാർക്കും കൂടുണ്ടായിരുന്നില്ല. ഒരു ദിവസം ആ കിളി ഭക്ഷണം തേടിയിറങ്ങി.പോകുന്ന വഴിക്ക് കുറേ കൂട്ടുള്ള സ്ഥലം കണ്ടു. അതിന് സന്തോഷമായി.കിളി തൻ്റെ കൂട്ടുകാരെ വിളിച്ചു വരുത്തി അവിടെ താമസമായി. ഒരു ദിവസം വലിയ കാറ്റും മഴയും വന്നു.കൂടുകൾ താഴെ വീണു.ഒരാൾ വന്ന് കൂടുകൾ തിരികെ എടുത്ത് വച്ചു.ഇത് കിളിയ്ക്ക് ഇഷ്ടപ്പെട്ടില്ല.  ഞങ്ങളുടെ കൂടുകൾ ഞങ്ങൾ തന്നെ എടുത്തു വയ്ക്കും ഞങ്ങളെ ആരും സഹായിക്കണ്ട എന്ന ഭാവത്തിൽ  മറ്റു കിളികളോടൊപ്പം അയാളെ കൊത്തിയോടിച്ചു.  കുറച്ചു നാളുകൾക്ക് ശേഷം വീണ്ടും കാറ്റും മഴയും വന്നു. കൂടുകൾ താഴെ വീണു.ഇത്തവണ ആരും എടുത്തു വയ്ക്കാൻ വന്നില്ല.  കൂടുകൾ നഷ്ടപ്പെട്ട കിളികൾ കുട്ടത്തോടെ കരഞ്ഞു.പക്ഷെ അഹങ്കാരികളായ കിളികളുടെ കരച്ചിൽ ആരും കേട്ടില്ല. ഗുണപാഠം - അഹങ്കാരം ആപത്ത്.

ഒരു ദിവസം ഞാനും അച്ഛനും ആറുമണിക്ക് അച്ഛാച്ചൻ മരിച്ച് ഒരു വർഷം കഴിഞ്ഞ പൂജയ്ക്ക് പോകാൻ ഒരുങ്ങി. പൂജയുടെ തലേ ദിവസമായിരുന്നു  പോയത് കാരണം പൂജ ബീജന്തഡുക്കയിലായിരുന്നു. മൂന്ന് ദിവസത്തെ പൂജയായിരുന്നു. ഞങ്ങൾ  ട്രെയിനിൽ പയ്യന്നൂരിലേക്ക് പോയി ഞാനും അച്ഛനും ട്രെയിനിൻ്റെ മുകളിലിരുന്നു.വണ്ടി കണ്ണൂർ എത്തിയപ്പോൾ ഞാൻ കൂടെ കൊണ്ടുവന്ന പഴം കഴിച്ചു.വണ്ടി പയ്യന്നൂർ എത്തി.റെയിൽവേ സ്റ്റേഷനിൽ അച്ഛൻറെ ബൈക്ക് ഉണ്ടായിരുന്നു.അതിൽ കയറി വീട്ടിലേക്ക് പോയി പോകുന്ന വഴിക്ക് പാലു വാങ്ങി. അച്ചമ്മ ചായ ഉണ്ടാക്കി തന്നു. ഉറങ്ങി രാവിലെ എഴുന്നേറ്റു.കാർ അച്ഛൻ മുൻപേ കൊണ്ട് വച്ചിരുന്നു.കാറിൽ ഞങ്ങൾ ബീജന്തഡുക്കയിലേക്ക് പോയി. കൂടെ ചെറിയമ്മമാരും ഉണ്ടായിരുന്നു. പൂജ കഴിഞ്ഞ് സദ്യ കഴിച്ച്  തിരിച്ചു വീട്ടിലെത്തി. പയ്യന്നൂരിൽ ഒരു കടയിൽ നിന്നും കാത്തുവിന് പാവയെ വാങ്ങി. ഞാനൊരു സ്പിന്നറും വാങ്ങി. അടുത്ത ദിവസം രാവിലെ വീണ്ടും പോയി.അങ്ങനെ മൂന്നു ദിവസം. പൂജ നല്ല രസമായിരുന്നു. പൂജാ സാധനങ്ങൾ തോട്ടിൽ ഒഴുക്കാൻ ഞാനും അച്ഛനും ചെറിയമ്മമാരും പോയി. തിരിച്ചു വരുമ്പോൾ ചെറിയമ്മ വീണു. തോട്ടിൽ ഞാൻ ചാടിക്കളിച്ചു. നാലാം ദിവസം ഞാനും അച്ഛനും മുള്ളേരി...

  ഒരിടത്ത് എലികളുടെ  കൂട്ടം ഉണ്ടായിരുന്നു.അവർ നടന്നു പോകുമ്പോൾ ആനകളുടെകാലിനടിൽ പെട്ട് കുറേ എലികൾ ചത്തുപോയി.അതു കൊണ്ട് ആനകളുടെ നേതാവിനെ കണ്ട് ഈ കാര്യത്തേ കുറിച്ച് സംസാരിക്കാം എന്ന് എലികളുടെ നേതാവ് കരുതി. ഒരു ദിവസം എലികളെല്ലാവരും ആനകളുടെഅടുത്തെത്തി. അവർ പറഞ്ഞു. " നിങ്ങൾ പോകുന്നവഴി മാറ്റിയിരുന്നെങ്കിൽ ഞങ്ങൾക്ക് ഉപകാരമായേനെ" " ഞങ്ങൾ വഴി മാറി പോയ്ക്കോളാം"  ആനകൾ പറഞ്ഞു. " നന്ദി ഞങ്ങളുടെ വാക്ക് നിങ്ങൾ കാര്യമാക്കി എടുത്തല്ലോ. നിങ്ങൾക്ക് എന്ത് സഹായം വേണമെങ്കിലും ഞങ്ങളെ വിളിച്ചോളൂ." എലികളുടെ നേതാവ് പറഞ്ഞു. ഇതു കേട്ട് ആനകൾ പൊട്ടിച്ചിരിച്ചു. " ഇത്രയും ചെറിയ എലികൾ ഭീകരന്മാരായ നമ്മളെ സഹായിക്കുന്നു എന്ന് കേൾക്കുമ്പോൾ തന്നെ ചിരി വരുന്നല്ലേ " - ആന നേതാവ് പറഞ്ഞു. ഒരു ദിവസം ആനകൾ വേട്ടക്കാർ വിരിച്ചിരുന്ന വലയിൽ കുടുങ്ങി. ആനകളുടെ ചിന്നം വിളി എലികൾ കേട്ടു.അവർ ഓടി വന്ന് അവരുടെ കൂർത്ത പല്ലുകൊണ്ട് വല കടിച്ചുകീറി. എല്ലാ ആനകളും രക്ഷപ്പെട്ടു. അപ്പോൾ ആനകൾക്ക് മനസ്സിലായി ആരേയും ചെറുതായി കാണരുതെന്ന്. അവർ എലികളോട് നന്ദി പറഞ്ഞു.